Xalq deputatlari Paxtakor tumani Kengashi kotibiyati mudiri K.Mamanova, kotibiyat bosh mutaxassislari hamda mahalla faollari bilan birgalikda Suvonobod mahallasida olib borilayotgan ichki yo‘llarni asfaltlashtirish ishlari bilan tanishib, ularning borishini joyida nazorat qildi.

O‘rganish davomida asfaltlashtirish ishlarining sifati, belgilangan me'yor va muddatlarga rioya etilishi hamda ishlarning borishi ko‘zdan kechirildi.

Shuningdek, mas'ullar bilan amalga oshirilayotgan ishlarning keyingi bosqichlari yuzasidan fikr almashilib, yo‘llarni sifatli va o‘z vaqtida foydalanishga topshirish bo‘yicha tegishli tavsiyalar berildi.

Mahallalarda infratuzilmani yaxshilash va aholi uchun munosib sharoitlar yaratishga qaratilgan bunyodkorlik ishlari izchil davom etmoqda.