#kotibiyat_faoliyati

Xalq deputatlari Tashkent viloyati Kengashi kotibiyoti mudiri Otabek Anarov tomonidan Xalq deputatlari Parkent tumani Kengashi kotibiyoti faoliyati o‘rganildi.

O‘rganish jarayonida Xalq deputatlari Parkent tumani Kengashi doimiy komissiyalari hujjatlarining yuritilishi, xususan, doimiy komissiya qarorlarini Nizomda tavsiya etilgan namunaga muvofiq rasmiylashtirish masalalariga alohida e’tibor qaratildi.

Shuningdek, tuman Kengashi deputatlarining o‘zlari saylangan saylov okruglarida olib borayayotgan faoliyati, sessiyalar oldindan aholi bilan uchrashuvlar tashkil etish, hududlardagi muammolarni aniqlash hamda saylovchilarga amalga oshirilgan ishlar yuzasidan ma’lumot berish holati ham tahlil qilindi.

O‘rganish yakunlari bo‘yicha Kengash kotibiyoti xodimlari bilan amaliy muloqot o‘tkazilib, ish faoliyatini yanada takomillashtirish, hujjatlar yuritish sifatini oshirish hamda deputatlik faoliyatini namunali tashkil etishga qaratilgan ustuvor yo‘nalishlar belgilab olindi.