Xalq deputatlari Samarqand shahar Kengashi deputati Baxtiyor Sultonov tomonidan hududlarda olib borilayotgan ishlar o‘rganilib, drenaj va oqova suv tizimlarining holati yuzasidan monitoring amalga oshirilmoqda.

Jumladan, shahar Obodonlashtirish boshqarmasi xodimlari tomonidan yomg‘ir suvlari erkin oqib ketishini ta’minlash maqsadida ariq va kollektorlarni turli chiqindilardan tozalash, suv yo‘llarini ravonlashtirish hamda drenaj tizimlarini soz holatda saqlash ishlari muntazam olib borilmoqda.

Deputat tomonidan mazkur yo‘nalishdagi ishlarning sifati va samaradorligiga alohida e’tibor qaratilib, aholining xavfsizligi hamda qulayligini ta’minlash yuzasidan tegishli tavsiyalar berildi.

Shahar infratuzilmasini yaxshilash va yog‘ingarchilik oqibatlarining oldini olish bo‘yicha ishlar izchil davom etmoqda.