Murojaat davomida Mahalla faollari hududda yoshlarning bo‘sh vaqtini mazmunli tashkil etish va ularni sportga keng jalb etish masalasini ko‘tardilar.

⚽️ Ta’kidlanganidek, mahalla hududida joylashgan, avval 117-son DMTT balansida bo‘lgan, hozirgi kunda foydalanilmayotgan 2,5 sotix yer maydonida yoshlar uchun futbol maydonchasi barpo etish rejalashtirilgan. Hozirda hududda futbol va sport maydonchasi mavjud emasligi sababli ushbu tashabbus mahalla aholisi tomonidan qo‘llab-quvvatlanmoqda.

🤝 Murojaatchilar mazkur futbol maydonchasini o‘zlarining moliyaviy mablag‘lari hisobidan barpo etishga tayyor ekanliklarini ham bildirdilar.

📝 Shuningdek, fuqarolar ushbu masala yuzasidan viloyat hokimiga ham yozma murojaat yo‘llaganliklarini ma’lum qildilar.

📌 Murojaat yuzasidan deputat tomonidan tegishli tashkilotlar bilan hamkorlikda zarur chora-tadbirlar belgilandi hamda masala deputatlik nazoratiga olindi.