O‘rganish davomida mahalla ichki ko‘chalarining bugungi holati, yo‘l qoplamalarining sifati, ko‘chalarning obodonlashtirilishi, sanitariya holati hamda fuqarolar uchun yaratilgan shart-sharoitlar atroflicha ko‘zdan kechirildi.

Shuningdek, mahalla fuqarolari, nuroniylar va mahalla faollari bilan uchrashuv o‘tkazilib, hududda mavjud muammolar, aholini qiynayotgan masalalar hamda ularning taklif va mulohazalari tinglandi. Xususan, ichki ko‘chalarni ta’mirlash, infratuzilmani yanada yaxshilash va hududni obodonlashtirishga oid masalalar yuzasidan fikr almashildi.

O‘rganish yakunlari bo‘yicha aniqlangan kamchiliklarni bartaraf etish hamda ko‘tarilgan muammolarni hal etish yuzasidan amaliy choralar ko‘rish belgilandi.

Aholi bilan ochiq muloqot qilish, fuqarolar murojaatlarini o‘rganish va hududlarni kompleks rivojlantirish masalalari deputat faoliyatining ustuvor yo‘nalishlaridan biri bo‘lib qolmoqda.