O‘zbekiston milliy terma jamoasiga omad tilaymiz!

2026-yilgi FIFA Jahon chempionatida O‘zbekiston milliy terma jamoasining munosib ishtiroki barchamiz uchun ulkan faxr va cheksiz quvonch manbaidir.

Xalq deputatlari Angor tumani Kengashi yurtimiz sharafini xalqaro maydonda munosib himoya qilayotgan milliy terma jamoamiz a’zolariga samimiy tilaklarini bildirib, ularga kuch-g‘ayrat, omad va yuksak zafarlar tilaydi.
Ishonamizki, futbolchilarimiz o‘zlarining matonati, jipsligi, fidoyiligi va yuksak mahorati bilan muxlislarimiz ishonchini oqlab, Vatanimiz bayrog‘ini yanada baland ko‘taradilar hamda O‘zbekiston nomini dunyo arenalarida munosib namoyon etadilar.

Shu munosabat bilan barcha yurtdoshlarimizni ushbu tarixiy sport voqeasi bilan tabriklaymiz hamda milliy terma jamoamizni birlashgan holda qo‘llab-quvvatlashga chorlaymiz.

🇺🇿 OLG‘A, O‘ZBEKISTON! 🇺🇿
Xalq deputatlari Angor tumani Kengashi milliy terma jamoamizga Jahon chempionatida ulkan muvaffaqiyatlar tilaydi!