Fuqarolar murojaatlari deputat e'tiborida.

Xalq deputatlari Angor tumani Kengashi 5-To‘lqin saylov okrugi deputati Raxmonov Erkin Xolliyevich tomonidan mahalla fuqarolari bilan ochiq muloqot tashkil etilib, murojaatlar bilan ishlash holati o‘rganildi.

Suhbat davomida aholini qiynab kelayotgan ijtimoiy, kommunal va infratuzilmaga oid masalalar yuzasidan fikr-mulohazalar tinglandi. Fuqarolar tomonidan bildirilgan murojaatlar mazmunan tahlil qilinib, ularni hal etish yuzasidan tegishli tashkilotlar bilan hamkorlikda amaliy choralar ko‘rish masalalari muhokama qilindi.

Deputat tomonidan murojaatlarni o‘z vaqtida va sifatli ko‘rib chiqish, aholining muammolariga befarq bo‘lmaslik hamda xalq bilan doimiy muloqotni yo‘lga qo‘yish muhim vazifa ekanligi ta'kidlandi.

Bunday uchrashuvlar fuqarolarning qonuniy manfaatlarini himoya qilish, ularning muammolariga yechim topish hamda deputatlik nazoratini samarali amalga oshirishda muhim ahamiyat kasb etadi.