Murojaatlar ijrosi nazoratda.

Xalq deputatlari Angor tumani Kengashi kotibiyati mudiri Jamshid Raximqulov tomonidan 6-Qorasuv saylov okrugi o‘z saylov okrugidagi fuqarolardan kelib tushgan elektr ta’minoti bilan bog‘liq murojaatlar joyiga chiqqan holda o‘rganildi.

O‘rganish jarayonida hududdagi transformator punkti hamda elektr uzatish tarmoqlarining texnik holati ko‘zdan kechirilib, mavjud muammo va kamchiliklar atroflicha tahlil qilindi. Fuqarolar tomonidan bildirilgan taklif va e’tirozlar tinglanib, murojaatlarda ko‘tarilgan masalalarning mazmun-mohiyati yuzasidan tegishli mutaxassislar ishtirokida muhokama o‘tkazildi.

Aniqlangan muammolarni bartaraf etish hamda elektr ta’minoti sifatini yaxshilash yuzasidan tegishli tashkilotlarga deputat so‘rovi yuborish belgilandi. Shuningdek, murojaatda ko‘tarilgan masalalarning qonuniy va amaliy yechimini ta’minlash maqsadida ularning ijrosi nazoratga olindi.

Fuqarolar murojaatlari bilan ishlash, ularning muammolarini o‘rganish va ijobiy hal etishga ko‘maklashish doimiy e’tibordagi masalalardan biri hisoblanadi.