Yoshlar bilan ishlash tizimi deputat tomonidan o‘rganildi

Xalq deputatlari Angor tumani Kengashi deputati 19-Faravon saylov okrugi deputati Mamatmirzayeva Raxima tomonidan Farovon mahallasi o'rganildi. Yoshlar yetakchisi Qulsohatova Manzura deputatga ma'lumot berdi.

O‘rganish jarayonida mahalladagi yoshlarning bandligini ta’minlash, ularni kasb-hunarga yo‘naltirish, bo‘sh vaqtlarini mazmunli tashkil etish hamda ijtimoiy himoyaga muhtoj yoshlar bilan olib borilayotgan ishlar yuzasidan atroflicha ma’lumotlar tinglandi.

Shuningdek, yoshlar muammolarini aniqlash va ularni hal etish, sport va madaniy-ma’rifiy tadbirlarga keng jalb etish, yoshlarning tashabbuslarini qo‘llab-quvvatlash borasida amalga oshirilayotgan ishlar tahlil qilindi.

Deputat tomonidan yoshlar bilan ishlash samaradorligini yanada oshirish, ularning bandligini ta’minlash va bo‘sh vaqtlarini mazmunli tashkil etishga qaratilgan tadbirlarni kuchaytirish yuzasidan tegishli tavsiya va takliflar bildirildi.

Yoshlar masalalariga doimiy e’tibor qaratish, ularning muammo va takliflarini o‘rganib borish hamda amaliy yechimlar ishlab chiqish deputatlik faoliyatining ustuvor yo‘nalishlaridan biri ekanligi ta’kidlandi.