Xalq deputatlari Zarbdor tuman Kengashiga 12-Sharq yulduzi saylov okrugidan saylangan deputat Maxfuza Isroilova tomonidan Sharq yulduzi mahallasida jamoat xavfsizligini ta’minlash hamda jinoyatchilikning barvaqt oldini olish borasida amalga oshirilayotgan ishlar o‘rganildi.
O‘rganish davomida profilaktika inspektori tomonidan hududda olib borilayotgan profilaktik tadbirlar, aholi bilan hamkorlikdagi ishlar hamda huquqbuzarliklarning oldini olishga qaratilgan chora-tadbirlar tahlil qilindi.
Ta’kidlanishicha, joriy yilning o‘tgan davri mobaynida Sharq yulduzi mahallasi hududida jinoyat holatlari qayd etilmagan bo‘lib, hudud jinoyatchilik darajasi bo‘yicha “yashil” toifada saqlanib kelinmoqda.
Shuningdek, fuqarolarning huquqiy savodxonligini oshirish, yoshlar o‘rtasida salbiy holatlarning oldini olish, oilaviy nizolarni bartaraf etish hamda kiberxavfsizlik bo‘yicha tushuntirish va targ‘ibot ishlari muntazam olib borilayotgani qayd etildi.