Xalq deputatlari Zarbdor tuman Kengashiga 14-Yangikent saylov okrugidan saylangan deputat Furqat Sarimsoqov tomonidan Yangikent mahallasida jinoyatchilikning oldini olish borasida amalga oshirilayotgan ishlar hamda profilaktika inspektori faoliyati o‘rganildi.
📌O‘rganish jarayonida mahalladagi kriminogen vaziyat, huquqbuzarlik va jinoyatchilikning oldini olishga qaratilgan profilaktik tadbirlar tahlil qilindi. Ma’lum qilinishicha, joriy yil boshidan bugungi kunga qadar mahalla hududida jinoyat sodir etilmagan bo‘lib, hudud jinoyatchilik bo‘yicha “yashil” toifada qayd etilgan.
🇺🇿 Shuningdek, profilaktika inspektori tomonidan aholi o‘rtasida huquqbuzarliklarning oldini olish, yoshlar bilan manzilli ishlash, notinch oilalarni nazoratga olish hamda fuqarolarning huquqiy madaniyatini yuksaltirish bo‘yicha olib borilayotgan targ‘ibot-tashviqot ishlari bilan tanishildi.
✅ O‘rganish yakunlari bo‘yicha hududdagi ijobiy ko‘rsatkichlarni saqlab qolish, jinoyatchilikning barvaqt oldini olish hamda fuqarolarning osoyishtaligini ta’minlash yuzasidan tegishli tavsiyalar berildi.