Xalq deputatlari Jalaquduq tuman Kengashi deputatlari B.Bazarova hamda O.Xolmurodovalar A.Temur massivida joylashgan “Fayzli tong shudringi” fermer xo‘jaligida bo‘lib, g‘alla hosilini yig‘ib-terib olish ishlarining borishi
bilan tanishdilar. Mazkur fermer xo‘jaligining 29 gektar maydonida “Vassa” navli urug‘lik bug‘doy yetishtirilgan bo‘lib, hosilni sifatli va o‘z vaqtida ig‘ib olish bo‘yicha ishlar davom etmoqda. Fermer xo‘jaligi rahbari Q. Karimov
O‘zbekiston Respublikasining 2019 yil 16 fevraldagi “Urug‘chilik to‘g‘risida”gi Qonuni ijrosi doirasida amalga oshirilayotgan ishlar haqida ma’lumot berdi. Deputatlar tomonidan urug‘chilik sohasida qonunchilik ijrosini ta’minlash, sifatli urug‘lik yetishtirish va qishloq xo‘jaligini rivojlantirishda ushbu qonunning muhim ahamiyatga ega ekani ta’kidlandi.