Qonun ijrosi amalda o‘rganilmoqda

Xalq deputatlari Qo‘shko‘pir tuman Kengashi kotibiyatining bosh mutaxassisi, deputat A. Erkinov tomonidan O‘zbekiston Respublikasining “Tadbirkorlik faoliyati erkinligining kafolatlari to‘g‘risida”gi Qonuniga o‘zgartirish va qo‘shimchalar kiritish haqida 2012-yil 2-maydagi O‘RQ–328-son Qonuni ijrosi yuzasidan o‘rganish ishlari olib borildi.
O‘rganish jarayonida Mehnatobod mahallasida faoliyat yuritayotgan yakka tartibdagi tadbirkor Matyaqubov Rejabboyning ish faoliyati bilan yaqindan tanishildi. Suhbat davomida tadbirkorlik subyektlari uchun yaratilayotgan qulay shart-sharoitlar, ularning huquq va qonuniy manfaatlarini himoya qilish, shuningdek, tadbirkorlikni yanada rivojlantirish masalalari muhokama qilindi.
Mazkur o‘rganishlar hududlarda tadbirkorlikni qo‘llab-quvvatlash, qonun hujjatlarining ijrosini ta’minlash hamda aholi bandligi va farovonligini oshirishga xizmat qilmoqda.