Xalq deputatlari Qo‘qon shahar Kengashining 2026-yil 28-martdagi VII-19-28-11-166-K/26-sonli qarori ijrosi yuzasidan navbatdagi nazorat-o‘rganish tadbiri tashkil etildi.

Ishchi guruh tomonidan Sadoqat mahalla fuqarolar yig‘ini Birlik ko'chasi 52-uyda istiqomat qiluvchi fuqaro M.Rasulova xonadonida olib borilayotgan yashil ta’mirlash ishlari holati o‘rganildi.

O‘rganishda Kengash kotibiyati mudiri A.Nosirov, kotibiyat bosh mutaxassisi A.Adxamov, ishchi guruh a’zolari hamda Qo‘qon shahar “Inson” ijtimoiy xizmatlar markazi direktor o‘rinbosari I.Karimov ishtirok etdilar.

Xonadonda amalga oshirilayotgan ta’mirlash ishlari bilan yaqindan tanishilib, bajarilgan ishlar hajmi, qurilish materiallari bilan ta’minlanganlik darajasi va ishlarning borishi yuzasidan tegishli ma’lumotlar olindi. Mutasaddilar tomonidan loyiha doirasida amalga oshirilayotgan ishlarni tasdiqlovchi hujjatlar ham taqdim etildi.

O‘rganish davomida qurilish ishlarining sifati, belgilangan muddatlarga rioya etilishi hamda yaratilayotgan sharoitlarning amaldagi talablarga mosligi alohida e’tibor markazida bo‘ldi.

Yakunda ishlarni sifatli tashkil etish, belgilangan muddatlarda yakunlash va fuqarolarga munosib turmush sharoitlarini yaratish yuzasidan tegishli tavsiyalar berildi.

Qaror ijrosi ustidan jamoatchilik va deputatlik nazorati izchil davom ettirilmoqda.

Xalq deputatlari Qo‘qon shahar Kengashi