Deputat "Insan" sociallıq xızmetler orayında úyreniw jumısların alıp bardı

♻️ Xalıq deputatları Shımbay rayonlıq Keńesiniń turaqlı komissiya baslıǵı Q.Xamidullaev hám de turaqlı komissiya aǵzası J.Alieva Shımbay rayonı "Insan" sociallıq xızmetler orayında úyreniw jumısların úyrendi.

Úyreniw procesinde oray tárepinen xalıqtıń sociallıq qorǵawǵa mútáj qatlamlarına kórsetilip atırǵan xızmetlerdiń sapası, múrájatlar menen islesiw jaǵdayı, sociallıq járdem hám qollap-quwatlaw ilajlarınıń mánzilliligi jáne belgilengen wazıypalardıń orınlanıwı talıqlandı.

Sonday-aq, oray jumısındaǵı bar mashqalalar hám kemshilikler, puqaralarǵa xızmet kórsetiw nátiyjeliligi jáne sociallıq xızmetler qamtıp alıwın keńeytiw máseleleri boyınsha juwapkerler menen dodalawlar ótkerildi.

Úyreniw jumıslarınıń juwmaǵında xalıqqa kórsetilip atırǵan sociallıq xızmetlerdiń sapasın bunnan bılay da jaqsılaw, múrájatlardı óz waqtında kórip shıǵıw hám sociallıq qorǵaw sistemasınıń nátiyjeliligin arttırıw boyınsha tiyisli usınıslar berildi.