Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq  Kengash raisi O.Babayev tomonidan tumanning “Qizilsuv” mahallasi hududidagi irrigatsiya tarmoqlari hamda dyuker inshootlarining texnik holatini joyiga chiqqan holda o‘rganildi.

🔺O‘rganish davomida sug‘orish tizimlarining samarali ishlashi, suvning iste’molchilarga uzluksiz yetkazib berilishi, shuningdek irrigatsiya obyektlarining texnik sozligi ko‘zdan kechirildi. Xususan, ayrim quvur tarmoqlarida eskirish, birikmalarning bo‘shashishi hamda suv sizib chiqishi holatlari aniqlandi. Bu esa suv yo‘qotilishining ortishiga va sug‘orish jarayoni samaradorligining pasayishiga sabab bo‘layotgani qayd etildi.

🔺Shuningdek, dyuker inshootlarining texnik holati ham atroflicha o‘rganilib, ayrim uchastkalarda ta’mirlash va profilaktik ishlarini amalga oshirish zarurligi ma’lum bo‘ldi. Mutasaddi tashkilotlar va soha mutaxassislari ishtirokida mavjud kamchiliklarni qisqa muddatlarda bartaraf etish bo‘yicha taklif va tavsiyalar ishlab chiqildi.