🔰Fuqarolarga berilgan uy-joylar monitoringdan o‘tkazildi

🏦Xalq deputatlari Kosonsoy tuman Kengashi kotibiyat mudiri D.Valiyeva tomonidan “Do‘stlik” MFY hududida O‘zbekiston Respublikasi Hukumatining 737-son qarori asosida fuqarolarga ajratilgan uy-joylarning holatini o‘rganish va monitoring qilish ishlari amalga oshirildi.

🔎 Monitoring davomida mazkur uy-joylardan maqsadli foydalanilishi, yashash sharoitlari, kommunal xizmatlar bilan ta’minlanganlik darajasi hamda fuqarolar tomonidan bildirilayotgan murojaat va takliflar o‘rganildi.

🏠 O‘rganish jarayonida uy egalari bilan bevosita muloqot qilinib, ularning bugungi kundagi ijtimoiy ahvoli, mavjud muammolari va ehtiyojlari yuzasidan fikr-mulohazalari tinglandi. Ayrim fuqarolar tomonidan ichimlik suvi, elektr ta’minoti, obodonlashtirish hamda infratuzilmani yaxshilash bilan bog‘liq masalalar ko‘tarildi.

📝 Aniqlangan muammo va kamchiliklar yuzasidan tegishli tashkilotlar hamda mas’ul mutasaddilarga zarur tavsiyalar berildi, murojaatlar ijrosini nazoratga olish bo‘yicha tegishli chora-tadbirlar belgilandi.

🤝 Xalq deputatlari Kosonsoy tuman Kengashi tomonidan aholini qiynayotgan muammolarni joyiga chiqib o‘rganish, fuqarolar bilan ochiq muloqot qilish hamda ularning murojaatlariga amaliy yechim topish borasidagi ishlar izchil davom ettirilmoqda.

👉 Bizni ijtimoiy tarmoqlarda kuzatib boring!

Rasmiy sayt|📱 Telegram|📱 Facebook| 📱 Instagram| 📱 Youtube