Diyqanshılıq ilim-izertlew institutınıń jumısı menen tanıstı

Xalıq deputatları rayonlıq Keńesi 13-sanlı “M.Shapiev” saylaw okrugi Ózbekstan “Ekologiyalıq” partiyası deputatı Sh.Berdimuratov rayondaǵı Diyqanshılıq ilim-izertlew institutınıń jumısı menen tanıstı.

Úyreniw dawamında institutta alıp barılıp atırǵan ilim-izertlewler, zamanagóy agrotexnologiyalardı engiziw jumısları hám awıl xojalıǵı tarawında ámelge asırılıp atırǵan joybarlar kózden ótkerildi. Sonday-aq, institut qánigeleri menen ushırasıw ótkerilip, ónimdarlıqtı arttırıw, suwdı únemleytuǵın texnologiyalardı keńnen engiziw hám fermer xojalıqlarına ilimiy-ámeliy járdem beriw máseleleri dodalandı. Deputat tárepinen tarawda bar mashqalalardı úyreniw hám olardı saplastırıw boyınsha tiyisli usınıslar bildirildi.