Yigʻilishda Oʻzbekiston Respublikasi Prezidentining 2024-yil 25-iyundagi “Mahallalarni obodonlashtirish, koʻkalamzorlashtirish va qiyofasini tubdan yaxshilashga doir qoʻshimcha chora-tadbirlar toʻgʻrisida”gi PQ-234-sonli qarorining tumandagi ijrosi yuzasidan amalga oshirilayotgan ishlar muhokama qilindi.

📣Dastlab, mazkur masala boʻyicha deputatlik guruhi tomonidan olib borilgan oʻrganishlar yakuni yuzasidan axborot tinglandi. Shuningdek, Oʻzbekiston Mahallalar uyushmasining Vobkent tumani boʻlimi rahbari tomonidan qaror ijrosi doirasida amalga oshirilgan ishlar, mahallalarni obodonlashtirish, hududlarni koʻkalamzorlashtirish hamda aholi uchun qulay muhit yaratish boʻyicha olib borilayotgan ishlar haqida hisobot berildi.

🌿Yigʻilish davomida deputatlar tomonidan ayrim mahallalarda obodonlashtirish ishlarini jadallashtirish, daraxt va gul koʻchatlari parvarishini kuchaytirish, ichki yoʻllar va jamoat joylari holatini yaxshilash yuzasidan taklif va mulohazalar bildirildi.

📌Shuningdek, qaror ijrosini tizimli nazorat qilish, aholi ishtirokini kengaytirish hamda mahallalar qiyofasini yanada yaxshilash boʻyicha tegishli tavsiyalar berildi.

✔️ Yigʻilish yakunida masʼul tashkilotlarga tegishli vazifalar belgilab olindi.