✔️Tashrif davomida mahallada xotin-qizlar bilan olib borilayotgan ishlar tizimli ravishda oʻrganildi. Jumladan, mahalladagi xotin-qizlarni tadbirkorlikka, kasanachilik va hunarmandchilik faoliyatlariga jalb etishga qaratilgan ishlar samarali yoʻlga qoʻyilgani alohida qayd etildi.

🖊Bundan tashqari, xotin-qizlar faoli tomonidan har oyda kamida 20 dan ortiq oilaga kirib, oilaviy qadriyatlarni targʻib etish, nikohlarning qonuniyligini taʼminlash borasida amalga oshirilayotgan ishlar alohida eʼtirof etildi. Shuningdek, ajrim yoqasiga kelib qolgan va nizoli oilalar bilan manzilli ish olib borilib, har oyda kamida 5 ta oila sogʻlom turmush tarziga qaytarilayotgani taʼkidlandi.

👥Uchrashuv yakunida mahalladagi xotin-qizlar faoliga mazkur yoʻnalishdagi ishlarni yanada kuchaytirish, aholi muammolariga manzilli yondashuvni kengaytirish hamda xotin-qizlarni qoʻllab-quvvatlash borasidagi amaliy chora-tadbirlarni izchil davom ettirish boʻyicha tegishli tavsiya va topshiriqlar berildi.