Xalq deputatlari Vobkent tumani Kengashi deputatlari Mirzoxid Halimov saylov okrugidagi 13-oilaviy poliklinika faoliyati bilan yaqindan tanishish maqsadida ushbu tibbiyot muassasasida boʻldi.

Oʻrganish jarayonida poliklinikada aholiga koʻrsatilayotgan tibbiy xizmatlar sifati, bemorlar uchun yaratilgan shart-sharoitlar, tibbiyot xodimlarining malakasi va xizmat koʻrsatish madaniyati atroflicha tahlil qilindi. Shuningdek, aholiga bepul taqdim etilishi belgilangan dori-darmon vositalarining mavjudligi, ularning oʻz vaqtida va maqsadli yetkazib berilishi hamda taqsimlanish holati alohida eʼtibor markazida boʻldi.

Shu bilan birga, qoʻshimcha oʻrganishni talab etadigan hamda tizimli choralar koʻrishni taqozo etadigan masalalar yuzasidan tegishli tashkilotlar rahbarlariga deputatlik soʻrovlari yuborish belgilandi. Mazkur yoʻnalishda olib borilayotgan ishlar ustidan doimiy deputatlik nazorati oʻrnatilishi taʼkidlandi.

Mazkur oʻrganish tadbiri sogʻliqni saqlash tizimida aholiga koʻrsatilayotgan xizmatlar sifatini yanada oshirish, fuqarolarning tibbiy xizmatlardan qoniqish darajasini yaxshilash hamda mavjud muammolarni oʻz vaqtida bartaraf etishga xizmat qilishi bilan muhim ahamiyat kasb etadi.