Xalq deputatlari Pastdarg‘om tuman Kengashi Ijtimoiy soha, yoshlar siyosati, madaniyat va sport masalalari bo‘yicha doimiy komissiyasining 2026-yil 13-maydagi
DKQ 03-03/43-26 sonli qaroriga ko‘ra, “Fuqarolarning reproduktiv salomatligini saqlash to‘g‘risida”gi O‘RQ-528-sonli Qonun ijrosini o‘rganish ishlari olib borilmoqda.

Bugun xalq deputatlari Pastdarg‘om tuman Kengashi kotibiyat mudiri F.Xolmuratova, ishchi guruh a‘zolari tomonidan Pastdarg‘om tuman markaziy poliklinikasida o‘rganish o‘tkazilib, reproduktiv salomatlikni muhofaza qilish, xotin-qizlar va yoshlar salomatligini mustahkamlash borasida amalga oshirilayotgan ishlar tahlil qilindi.

Aholiga ko‘rsatilayotgan tibbiy xizmatlar sifati hamda mavjud muammo va kamchiliklar yuzasidan tegishli tavsiya va takliflar ishlab chiqildi.

Mazkur o‘rganishlar deputatlik nazoratini kuchaytirish, sohaga oid qonunlar ijrosini ta’minlashga xizmat qiladi.