🔹“Darveshi” mahallasida saylovchilar bilan uchrashuv hamda mahalla xotin-qizlar faoli tomonidan amalga oshirilayotgan ishlar samaradorligini o‘rganish maqsadida Xalq deputatlari Jondor tumani Kengashi deputati L.Behbudova, tuman Kengashi kotibiyati bosh mutaxassislari R.Murodov va J.Norovlar mahallaga tashrif buyurishdi.

🔹Tashrif davomida mahalla xotin-qizlar faoli N.Mirzayevaning hisoboti tinglanib, aholi bilan olib borilayotgan ishlar, xotin-qizlarni qo‘llab-quvvatlash, murojaatlar bilan ishlash hamda ijtimoiy faoliyat yo‘nalishlari atroflicha o‘rganildi.

Shundan so‘ng, mahalla faollari, oqsoqollar va aholi ishtirokida ochiq muloqot tashkil etildi. Uchrashuvda fuqarolar tomonidan bir qator dolzarb masalalar ko‘tarildi. Xususan: Darveshi qishlog‘ining ichki ko‘cha yo‘llarini shag‘allashtirish; aholi tomorqa yerlarini sug‘orish uchun suv ta’minotini yaxshilash; O‘rikzor qishlog‘idagi avtomobil yo‘lining 1200 metr qismini ta’mirlash masalalari muhokama qilindi.

🔹Deputat Latofat Behbudova ko‘tarilgan muammolar yuzasidan tegishli tashkilot va korxonalarga deputatlik so‘rovlari yuborilishini, natijalar bo‘yicha aholiga qo‘shimcha ma’lumot berilishini ta’kidladi.

🔹Uchrashuv davomida mahalladagi ijtimoiy masalalarni hal etish, aholi farovonligini oshirish, yoshlar va xotin-qizlarni qo‘llab-quvvatlash bo‘yicha fikr va takliflar almashildi.