Aholi murojaatlari joyiga chiqib o‘rganilmoqda

📍Xalq deputatlari Olmazor tumani Kengashi deputati Ziyo Parizod tomonidan Taraqqiyot mahallasida yashovchi fuqarolar bilan uchrashuv o‘tkazilib, hududdagi mavjud muammolar yuzasidan murojaatlar o‘rganildi. Uchrashuv davomida fuqarolar tomonidan ichki yo‘llarning ta’mirtalab holatga kelib qolgani, asfalt qoplamasining eskirgani hamda elektr energiyasi ta’minotida uzilishlar kuzatilayotgani bo‘yicha murojaatlar bildirildi.

📎 Mazkur murojaatlar deputat tomonidan atroflicha o‘rganilib, muammolarni bartaraf etish yuzasidan tegishli mutasaddi tashkilotlarga deputat so‘rovi chiqarilishi bo‘yicha fuqarolarga ma’lumot berildi.
Shuningdek, hudud infratuzilmasini yaxshilash, aholi uchun qulay va xavfsiz sharoit yaratish maqsadida masalalar nazoratga olinishi hamda ularning ijobiy yechimi yuzasidan amaliy choralar ko‘rilishi ta’kidlandi.

📌 O‘rganishlar davomida Mahalliy Kengash deputati faoliyatining eng muhim yo‘nalishlari doirasida mahalla ichki ko‘cha yo‘llari holati, ko‘chalarni tunda yoritilishi, avtomobil yo‘llaridagi tirbandliklar, mahallalarda bolalar uchun xavfsiz va zamonaviy sharoitlar yaratish masalalariga alohida e’tibor qaratildi.

🤝 Bunday amaliy o‘rganishlar hududlarda mavjud muammolarni aniqlash, ularni bosqichma-bosqich bartaraf etish hamda aholi uchun yanada qulay infratuzilma yaratishda muhim ahamiyat kasb etmoqda.