“Yuksak ma’rifatli avlod - Uchinchi Renessans poydevori!”

🔔 Olmazor tumani 28-IDUMda “Yuksak ma’rifatli avlod - Uchinchi Renessans poydevori!” shiori ostida “So’nggi qo’ng’iroq” tadbiri bo’lib o’tdi. Unda xalq deputatlari Olmazor tumani Kengashi deputati Turdiqul Bobomuratov ishtirok etdi.

✨ Tadbirda oʻzining namunali xulqi, bilimi bilan tengdoshlariga oʻrnak boʻlgan oʻquvchilar va ularning ota-onalari maktab rahbariyati tomonidan tashakkurnoma bilan taqdirlandi.

📌 Tadbir davomida deputat bitiruvchilarni ushbu unutilmas kun bilan samimiy tabriklab, ularga O‘zbekiston Respublikasi Prezidentining bayram tabrigini o‘qib eshittirdi. Shuningdek, yoshlarga kelgusi hayot yo‘lida ulkan zafarlar, yuksak natijalar va Vatan ravnaqi yo‘lida munosib hissa qo‘shishlarini tiladi.

💫 O’quvchilar hayotlarining yangi bosqichiga qadam qo’yar ekan, ota-onalar, ustozlar va do’stlar ularni qo’llab-quvvatlashdi. Bu tadbir nafaqat tugash, balki yangi boshlanish ramzi sifatida har birimizning yodimizda uzoq qoladi.