Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston “Adolat” sotsial-demokratik partiyasidan saylangan deputat B.Kamalov tomonidan tumanning “Barraj” mahallasida nogironligi mavjud fuqarolarga ko‘rsatilayotgan moddiy va amaliy yordam faoliyati o‘rganildi. Monitoring jarayonida aholi ehtiyojlari va mavjud xizmatlarning samaradorligi baholandi.

🔺O‘rganish davomida nogironligi bo‘lgan fuqarolar va ularning oilalari bilan uchrashuvlar o‘tkazilib, ularning kundalik hayoti, ijtimoiy yordam va imkoniyatlardan foydalanish holati o‘rganildi. Mahalla va ijtimoiy xizmatlar tomonidan taqdim etilayotgan yordamlar, jumladan moddiy ko‘mak, dori-darmon, maxsus jihozlar va boshqa qo‘llab-quvvatlash choralarining samaradorligi tahlil qilindi.

🔺Nogironligi bo‘lgan fuqarolar hayot sifatini yaxshilash, ularning ijtimoiy himoyasini mustahkamlash va barcha imkoniyatlardan samarali foydalanishini ta’minlash ishlar deputat tomonidan doimiy nazoratga olindi.