Xalq deputatlari Yangiariq tuman Kengashining Korrupsiyaga qarshi kurashish va xavfsizlik masalalari bo‘yicha doimiy komissiya yig‘ilishi bo‘lib o‘tdi.

Yig‘ilish davomida tumanda aholi murojaatlari bilan ishlash, jinoyatchilikning oldini olish hamda korrupsiyaga qarshi kurashish yo‘nalishlarida amalga oshirilayotgan ishlar atroflicha muhokama qilindi.

📝 KUN TARTIBIDAGI MASALALAR:

🔹 O‘zbekiston Respublikasi Prezidentining Yangiariq tumani xalq qabulxonasi yetakchi mutaxassisi S.Boltayev tomonidan 2026-yil davomida aholi murojaatlari va muammolari bilan ishlash yuzasidan amalga oshirilgan ishlar bo‘yicha axborot tinglandi.

🔹 Tumandagi mahallalar kesimida jinoyatchilikni aniqlash, huquqbuzarliklarning oldini olish hamda profilaktik chora-tadbirlar samaradorligini oshirish masalalari muhokama qilindi.

🔹 O‘zbekiston Respublikasi Prezidentining 2025-yil 21-apreldagi PF–71-sonli Farmoni ijrosi doirasida korrupsiyaga qarshi kurashish tizimini yanada takomillashtirish bo‘yicha olib borilayotgan ishlar yuzasidan hisobot va tahliliy ma’lumotlar ko‘rib chiqildi.

⚖️ Yig‘ilishda fuqarolarning murojaatlari bilan ishlash sifatini oshirish, mahallalarda xavfsiz muhitni yaratish, qonun ustuvorligini ta’minlash hamda korrupsiyaning oldini olish borasidagi vazifalarga alohida e’tibor qaratildi.

🤝 Muhokamalar yakunida tegishli mas’ullarga aniq vazifalar belgilab berilib, istiqboldagi ustuvor yo‘nalishlar yuzasidan tavsiyalar bildirildi.