Deputat nazorati: Bandixonda xotin-qizlar bilan ishlash tizimi o‘rganildi

✅Xalq deputatlari Bandixon tuman Kengashi deputati B.Yo‘ldoshev tomonidan tumanda xotin-qizlarning huquq va manfaatlarini himoya qilish, ularni ijtimoiy-iqtisodiy qo‘llab-quvvatlash borasida amalga oshirilayotgan ishlarni tahlil qilish maqsadida tuman Oila va xotin-qizlar bo‘limi boshlig‘i I.Mamasolayevaning ish faoliyati o‘rganildi.

✅O‘rganish davomida quyidagi masalalarga alohida e’tibor qaratildi:
✅“Ayollar daftari” bilan ishlash tizimi: Ehtiyojmand xotin-qizlarga ko‘rsatilayotgan manzilli yordamlar, ularning bandligini ta’minlash va tadbirkorlikka jalb etish holati;
✅Ajrimlarning oldini olish: Mahallalarda oilaviy ajrimlarni kamaytirish, nizo kelib chiqqan oilalar bilan manzilli ishlash samaradorligi;
✅Xotin-qizlar faollari bilan hamkorlik: Mahallalardagi xotin-qizlar faollarining faoliyatini muvofiqlashtirish va ularga amaliy ko‘mak berish darajasi.

✅Deputat B.Yo‘ldoshev o‘rganish jarayonida erishilgan yutuqlar bilan bir qatorda, hududda xotin-qizlar muammolarini hal etish tezkorligini oshirish va og‘ir ijtimoiy ahvoldagi xotin-qizlarga ko‘maklashish tizimini yanada jadallashtirish bo‘yicha o‘z taklif hamda tavsiyalarini bildirdi.