Xalq deputatlari Uchquduq tuman Kengashi deputatlari M.Xudoyberdiyeva hamda L.Karimovalar tomonidan tuman markazidagi A.Temur koʻchasida avtomobil yoʻllaridagi tirbandliklar, yoʻl-transport hodisalarining oldini olish yuzasidan amalga oshirilayotgan ishlar, piyodalar oʻtish joylari hamda svetoforlar holati oʻrganildi.

Oʻrganish davomida yoʻllardagi harakat zichligi, piyodalar xavfsizligini taʼminlash, svetoforlarning soz holatda ishlashi va yoʻl belgilarining joylashuvi koʻzdan kechirildi. Shuningdek, ayrim hududlarda transport oqimini tartibga solish, piyodalar oʻtish joylarini yangilash hamda yoʻl infratuzilmasini yaxshilash boʻyicha taklif va tavsiyalar bildirildi.

Deputatlar tomonidan masʼul tashkilotlarga yoʻl harakati xavfsizligini taʼminlash, fuqarolar uchun qulay va xavfsiz sharoit yaratish yuzasidan tegishli tavsiyalar berildi.