Kengash raisi faoliyati

Xalq deputatlari Angor tumani Kengashi raisi Qo‘zimurotov Abdusalom Javliyevich tomonidan Karvon mahallasidagi 20-sonli umumta’lim maktabida joyiga chiqib o‘rganish ishlari olib borildi.O‘rganish jarayonida maktabdagi ma’naviy-ma’rifiy muhit, milliy va ma’naviy burchaklar faoliyati bilan yaqindan tanishildi. Shuningdek, ta’lim muassasasida yaratilgan shart-sharoitlar, o‘quv jarayonining bugungi holati hamda pedagog xodimlarning faoliyati yuzasidan maktab jamoasi bilan ochiq muloqot o‘tkazildi.
Muloqot davomida Kengash raisi tomonidan yosh avlodni vatanparvarlik, milliy qadriyatlarga hurmat ruhida tarbiyalash, ta’lim sifatini yanada oshirish hamda ma’naviy ishlarni kuchaytirish bo‘yicha fikr va takliflar bildirildi.Kengash raisi tomonidan ta’lim maskanlarida olib borilayotgan bunyodkorlik va ma’naviy-ma’rifiy ishlarni tizimli davom ettirish muhim ekani alohida ta’kidlandi.