Hududdagi tadbirkorlik faoliyati o‘rganildi.

Xalq deputatlari Angor tuman Kengashi 12-Qodiriy saylov okrugi deputati Qo'ziyeva Shoira hamda tuman Kengashi kotibiyati mudiri Raximqulov Jamshid bilan birgalikda hududdagi tadbirkorlik faoliyatini o‘rganish yuzasidan amaliy ishlari olib borildi. O‘rganish jarayonida mahalla raisi Doniyorov Begzod tomonidan hududdagi tadbirkorlik subyektlari faoliyati, aholi bandligini ta’minlash hamda ishlab chiqarish yo‘nalishida amalga oshirilayotgan ishlar haqida batafsil ma’lumot berildi.Shuningdek, hududda faoliyat yuritayotgan ishlab chiqarish sexi ko‘zdan kechirilib, undagi zamonaviy uskunalarning texnik holati, ishlab chiqarish jarayoni hamda mehnat sharoitlari atroflicha o‘rganildi. Deputat tomonidan tadbirkorlikni rivojlantirish, ishlab chiqarish hajmini oshirish va yangi ish o‘rinlarini yaratish borasidagi mavjud imkoniyat hamda ehtiyojlar tahlil qilinib, sohaga oid muammolarni hal etish yuzasidan tegishli tavsiya va takliflar bildirildi. Deputat tomonidan hududlarda tadbirkorlikni qo‘llab-quvvatlash, ishlab chiqarish salohiyatini yanada oshirish va aholi bandligini mustahkamlash masalalari doimiy e’tiborda bo‘lishi ta’kidlandi.