Xalq deputatlari Parkent tuman Kengashi huzuridagi Yoshlar maslahat guruhi a’zosi Marjona Qiyomova xalqaro miqyosdagi nufuzli konferensiyada yuksak natijaga erishib, “Excellence Award” mukofotini qo‘lga kiritdi. Janubiy Koreyaning Jeju orolida bo‘lib o‘tgan Koreya Tibbiy va Biologik Muhandislik Jamiyatining 67-bahorgi konferensiyasida tuman Kengashi huzuridagi Yoshlar maslahat guruhi a’zosi Marjona Qiyomova ishtirok etdi.Qariyb 1500 nafar tadqiqotchi va muhandislar qatnashgan ushbu nufuzli anjuman ilm-fan va innovatsiyalar almashinuvi uchun muhim maydon bo‘lib xizmat qildi. Marjona Qiyomova zamonaviy nanotexnologiyalarga asoslangan ilmiy tadqiqot ishi bilan umumiy hamda saralash seksiyalarida muvaffaqiyatli ishtirok etib, “우수상 (Excellence Award)” mukofotiga sazovor bo‘ldi.Anjumanda global davrdagi sun'iy intellektning sog‘liqni saqlash sohasini qanday o‘zgartirayotganini tahlili — tibbiy tasvirlash imkoniyatlari va zamonaviy texnologiya, usullarning inson salomatligidagi o‘rni tahlil qilindi. Mazkur yutuq Parkent yoshlari
salohiyati va ularning xalqaro maydondagi muvaffaqiyatlarining yana bir yorqin namunasidir.