Xalq deputatlari Qo‘qon shahar Kengashi raisi O‘.Tojiyeva tomonidan “Nurafshon” mahalla fuqarolar yig‘ini hududdagi infratuzilma masalalari o‘rganildi.

O'rganish davomida mahalla hududidagi mavjud infratuzilma muammolari atroflicha muhokama qilindi. Xususan, Dang‘ara ko‘chasiga qo‘shimcha 12 ta simyog‘och o‘rnatilishi zarurligi qayd etildi.

Shuningdek, Dang‘ara va Mirishkor ko‘chalari aholisiga elektr energiyasi yetkazib berayotgan elektr uzatish moslamasi (TP) kuchlanishi yuqori ekanligi, ushbu holat esa ayniqsa kuz-qish mavsumida aholiga turli noqulayliklar tug‘dirayotgani ta’kidlandi.

Mazkur muammoni bartaraf etish maqsadida Dang‘ara ko‘chasiga alohida elektr uzatish moslamasi (TP) va qo‘shimcha 12 ta simyog‘och o‘rnatilishi zarurligi yuzasidan tegishli tashkilotlarga "deputatlik so'rovi" yuborilishi borasida kelishib olindi.

Tadbir davomida mahalla faollari va fuqarolar bilan ochiq muloqot o‘tkazilib, hududni yanada obod va fayzli maskanga aylantirish, infratuzilmani yaxshilash hamda aholi uchun qulay sharoitlar yaratish yuzasidan taklif va mulohazalar tinglandi.

Ta’kidlanganidek, aholi murojaatlarini joyida o‘rganish, mavjud muammolarni tizimli hal etish hamda mahallalarda munosib yashash sharoitlarini yaratishga qaratilgan ishlar izchil davom ettirilmoqda.

Xalq deputatlari Qo‘qon shahar Kengashi