Xalq deputatlari Qo‘qon shahar Kengashi raisi O‘.Tojiyeva tomonidan “Nurafshon” mahalla fuqarolar yig‘inida mahalla yettiligi hamda jamoatchilik faollari ishtirokida uchrashuv o‘tkazildi.

Uchrashuv davomida mahalla infratuzilmasini yaxshilash, hududni ijtimoiy-iqtisodiy rivojlantirish, obodonlashtirish ishlarini jadallashtirish hamda aholi uchun yanada qulay sharoitlar yaratish masalalari muhokama qilindi.

Tadbirni tashkil etish va o‘tkazishda Xalq deputatlari Qo‘qon shahar Kengashi kotibiyati bosh mutaxassisi X.Abdullayev tomonidan amaliy ko‘mak ko‘rsatildi.

Muloqot davomida mahallada olib borilayotgan obodonlashtirish ishlari, hudud tozaligini saqlash, chiqindilarni belgilangan tartibda yig‘ish va olib chiqish, ko‘chalarni tartibli saqlash hamda yashash muhitini yanada yaxshilash yuzasidan amalga oshirilayotgan ishlar atroflicha muhokama qilindi.

Shuningdek, mahalla faollari tomonidan hududdagi mavjud muammolar, aholini qiynayotgan ayrim masalalar va ularni bartaraf etish yuzasidan takliflar bildirildi.

Uchrashuv yakunida mahalla infratuzilmasini yanada yaxshilash, jamoatchilik nazoratini kuchaytirish hamda hududda sanitariya va obodonlashtirish ishlarini tizimli davom ettirish bo‘yicha tegishli vazifalar belgilab olindi.

Ta’kidlanganidek, mahallalarda ochiq muloqotlarni tashkil etish, aholi bilan manzilli ishlash va hududlarni obod maskanga aylantirish borasidagi ishlar izchil davom ettirilmoqda.

Xalq deputatlari Qo‘qon shahar Kengashi