O‘rganish davomida ijtimoiy himoyaga muhtoj fuqarolar, nogironligi bo‘lgan shaxslar, keksalar hamda ehtiyojmand oilalarni qo‘llab-quvvatlash borasida amalga oshirilayotgan ishlar ko‘zdan kechirildi. Shuningdek, aholi murojaatlari bilan ishlash, ijtimoiy xizmatlarni manzilli tashkil etish hamda fuqarolarga yaratilayotgan imkoniyatlar yuzasidan suhbat o‘tkazildi.

Deputat tomonidan mahalladagi ijtimoiy muhitni yanada yaxshilash, ehtiyojmand oilalar muammolarini o‘z vaqtida aniqlash va ularni hal etishda manzilli ishlarni yo‘lga qo‘yish muhim ekani ta’kidlandi.

Shu bilan birga, ijtimoiy xodim faoliyatida uchrayotgan ayrim muammo va takliflar ham o‘rganilib, ularni bartaraf etish yuzasidan tegishli mutasaddi tashkilotlar bilan hamkorlikda amaliy choralar ko‘rish belgilandi.