Xalq deputatlari Urganch shahar Kengashining “6-Marifatchi” saylov okrugidan saylangan deputat N.Sharipova “Jingavuz” mahalla fuqarolar yig‘inida saylovchilar bilan uchrashdi.  

Uchrashuv davomida 2026-yilning birinchi choragi davomida amalga oshirilgan deputatlik faoliyati yuzasidan axborot berdi.   

Deputat N.Sharipova hududni ijtimoiy-iqtisodiy rivojlantirish yo‘lida bajarilgan ishlar haqida so‘zlab, tegishli tashkilotlarga 10 ta deputat so'rovlari yuborilgani, 4 marotaba doimiy komissiya yig'ilishlarida ishtirok etgani va 1 chorak davomida 4 marta Kengash sessiyalarida qatnashib, o'zining saylov okrugidagi muammolarni hal etish borasida berilgan takliflar haqida batafsil ma’lumot berdi.  

Kelgusida ham saylovchilar manfaati yo‘lida hududning iqtisodiy-ijtimoiy rivojiga munosib hissa qo‘shish deputat faoliyatining ustuvor yo‘nalishlaridan biri bo‘lib qolishini ta’kidlab o‘tdi. Ayniqsa, infratuzilmani rivojlantirish dasturlari yuzasidan deputatlik nazorati tashkil etish muhim vazifa sifatida belgilandi.