Xalq Deputatlari Parkent tuman Kengashiga 19-Chashma saylov okrugidan saylangan deputat Xojiboyev Jalol Xotamboyevich tomonidan “Xurriyat” MFY da va 20-Ulug`bek saylov okrugidan saylangan deputat Sultonov Azimjon O`ktam o`g`li tomonidan “Chinor” MFYda fuqarolarning murojaatlari o`rganib chiqildi. Deputat J.Xojiboyev va mahalla raisi murojaatni joyiga chiqib o`rganib aholi o‘rtasida tushuntirish ishlarini olib bordi va muammo shu yerning o‘zida bartaraf etildi. Deputat A.Sultonov va mahalladagi hokim yordamchisi tomonidan murojaatlar o`rganilganda asosan uy-joy ta`miri, moddiy yordam va tabiiy gaz tarmoqlarini tortish bilan bog`liq masalalar ekanligi ma`lum bo`ldi. O‘zaro muloqotlar davomida deputat har bir murojaatni atroflicha o‘rganib, ularni tegishli mutasaddilar bilan birgalikda ijobiy hal etishini bildirdi. Fuqarolar murojaati bo`yicha jamoatchilik nazorati o`rnatildi.