#_deputat_faoliyati
#_24_ta_masala
Hudud obodligi — deputat e’tiborida

Xalq deputatlari Sariosiyo tumani Kengashining "20-So‘fiyon" saylov okrugidan saylangan deputat T.Mirzaev hamda tuman Kengashi kotibiyati bosh mutaxassisi N.Xamdamova tomonidan «Xurshid» mahallasida hududni obodonlashtirish, infratuzilmani yaxshilash va aholi uchun qulay sharoitlar yaratish borasida amalga oshirilayotgan ishlar o‘rganildi.
O‘rganish jarayonida mahallaning Abadiyat va Nurli ko‘chalarining jami 2 kilometr 300 metr qismini asfaltlash ishlari holati ko‘zdan kechirilib, mazkur ishlarning sifatli va belgilangan muddatlarda amalga oshirilishi deputatlik nazoratiga olindi.

Shuningdek, hududdagi mavjud infratuzilma bilan bog‘liq masalalar, ko‘chalarning obodonlashtirilishi hamda aholi uchun qulay shart-sharoitlarni yanada yaxshilash bo‘yicha taklif va murojaatlar o‘rganildi.
Aniqlangan kamchiliklarni bartaraf etish, belgilangan vazifalar ijrosini ta’minlash va amalga oshirilayotgan obodonlashtirish ishlarining sifatini nazorat qilish yuzasidan mas’ullarga tegishli tavsiyalar berildi.

Bunday nazorat tadbirlari hududlarni kompleks rivojlantirish, aholi murojaatlarida ko‘tarilayotgan masalalarni o‘z vaqtida hal etish hamda mahallalar infratuzilmasini yaxshilashga xizmat qiladi.