Vatanimiz mustaqilligining 35 yilligi munosabati bilan Toyloq tumanida davlat mukofotlari va esdalik sovg‘alarini topshirish marosimi bo‘lib o‘tdi. Tantanali tadbirda tuman hokimi, tuman Kengashi deputati Behzod Raxmatullayev, viloyat hokimi o‘rinbosari Rustam Qobilov, jamoatchilik vakillari, deputatlar, faollar hamda yoshlar ishtirok etdi. Unda mustaqillik yillarida yurtimiz taraqqiyoti va xalq farovonligi yo‘lida amalga oshirilayotgan islohotlar hamda bu jarayondagi fidoyi insonlarning hissasi alohida ta’kidlandi.

🤩Tadbirda barcha faol yurtdoshlar qatori xalq deputatlari Toyloq tumani Kengashi deputatlarining ham jamoatchilik hayotidagi faol ishtiroki va hudud rivojiga qo‘shayotgan munosib hissasi e’tirof etildi. Ularga Mustaqilligimizning 35 yilligi ko‘krak nishonlari topshirilib, yuksak e’tibor va ishonch bildirildi.