Xalq deputatlari Andijon shahar Kengashi raisi R. Ziyayev hamda Kengash kotibiyatining bosh mutaxassisi A. Appakov ishtirokida shahardagi ekologik holat, obodonlashtirish ishlari va chiqindilarni boshqarish masalalari muhokama qilindi.

Muloqot davomida hududlarda tozalik va ozodalikka rioya etish, yashil hududlarni asrab-avaylash, obodonlashtirish ishlarini tizimli tashkil etish hamda chiqindilarni o‘z vaqtida olib chiqish masalalariga alohida e’tibor qaratildi.

Shuningdek, aniqlangan muammolarni bartaraf etish, ekologik muhitni yaxshilash va hududlarning sanitariya holatini yanada yaxshilash yuzasidan tegishli taklif va tavsiyalar bildirildi.