Yurtimizda e’lon qilingan “Mahallada obodlik va mehr-saxovat oyligi” doirasida mahallalarni obodonlashtirish, yashil hududlarni asrab-avaylash hamda ekologik madaniyatni yuksaltirishga qaratilgan amaliy ishlar izchil davom ettirilmoqda.
O‘zbekiston Respublikasi davlat mustaqilligining 35 yilligi munosabati bilan Xalq deputatlari Chilonzor tumani Kengashi deputati Mavlonov Azam Qarshiyevich tomonidan Xirmontepa mahallasida hashar tashkil etildi.
Hashar davomida mahalla hududini obodonlashtirish, atrofini tozalash va ko‘kalamzorlashtirish ishlari amalga oshirilib, hududga turli xil ko‘chatlar ekildi.
Mazkur ezgu tashabbus mahalla hududini yanada obod va ko‘rkam qilish, yashil hududlarni kengaytirish hamda aholi uchun yanada qulay muhit yaratishga xizmat qiladi.