Yozgi ta’til davrida o‘quvchilarning bo‘sh vaqtlarini mazmunli tashkil etish, ularni sog‘lomlashtirish hamda ta’lim muassasalarida obodonlashtirish ishlarini tizimli muvofiqlashtirish maqsadida respublikamiz bo‘ylab “Dolzarb 90 kun” dasturi amalga oshirilmoqda.
Mazkur dastur va Xalq deputatlari Olmaliq shahar Kengashi qarori ijrosini ta’minlash maqsadida Olmaliq shahar 5-sonli umumta’lim maktabida navbatdagi kompleks o‘rganish ishlari tashkil etildi.
O‘rganish jarayonlarida shahar Kengashi qarorida belgilangan vazifalarning joylardagi ijrosini ko‘zdan kechirish maqsadida:
Sevar Qodirova — Xalq deputatlari Olmaliq shahar Kengashi kotibiyati mudiri;
Shermuhammad Begiyev — Shahar hokimining birinchi o‘rinbosari;
Mukarram Nematullayeva — Kotibiyat bosh mutaxassisi ishtirok etdilar.

🔍 Mas’ullar tomonidan shahar Kengashi qarorida belgilangan me’yorlar va aksiyaning asosiy maqsadlaridan kelib chiqib, maktab hududida quyidagi yo‘nalishlar atroflicha tahlil qilindi:
Yozgi sog‘lomlashtirish maskani: Bolalarning yozgi ta’tilni maroqli va foydali o‘tkazishlari uchun yaratilgan shart-sharoitlar, to‘garaklar faoliyati hamda xavfsizlik choralari;
Tozalik va tartib: Maktab binosi ichi va atrofining sanitariya-gigiyena talablariga muvofiqligi;
Obodonlashtirish: Hududni ko‘kalamzorlashtirish, daraxt va gullarni parvarishlash hamda umumiy estetik holat.
Xulosa va topshiriqlar: O‘rganish yakunida shahar Kengashi qarori talablarini to‘liq va sifatli bajarish, aniqlangan kamchiliklarni qisqa muddatlarda bartaraf etish hamda muassasani yangi o‘quv yiliga yuqori saviyada tayyorlash yuzasidan maktab rahbariyatiga tegishli tavsiya va ko‘rsatmalar berildi.
Kengash qarorlari ijrosi va bolajonlarimizning yozgi ta’tili mazmunli o‘tishi — doimiy nazoratimizda!