Mazkur tadbirda Xalq deputatlari viloyat Kengashi deputati A. Oripov hamda O‘zbekiston XDP tuman Kengashi raisi O. Avazov ishtirok etdi. 

Nazorat-tahlil jarayonida muassasaning obodonlashtirish ishlari, moddiy-texnik ta’minoti, tarbiyalanuvchilar uchun yaratilgan shart-sharoitlar, ta’lim-tarbiya jarayonining sifati hamda infratuzilma holati atroflicha o‘rganildi.
Shuningdek, bolalar uchun xavfsiz va qulay muhit yaratish, ta’lim sifatini yanada oshirish, pedagog xodimlar faoliyatini qo‘llab-quvvatlash hamda muassasadagi mavjud sharoitlarni yaxshilash borasida amalga oshirilayotgan ishlar tahlil qilindi. 

O‘rganish yakunlari bo‘yicha aniqlangan kamchiliklarni bartaraf etish, muassasa faoliyati samaradorligini oshirish va maktabgacha ta’lim xizmatlari sifatini yanada takomillashtirish yuzasidan tegishli tavsiya va takliflar bildirildi. Tadbir davomida belgilangan vazifalarning ijrosini ta’minlash bo‘yicha mas’ullarga tegishli ko‘rsatmalar berildi.

✍️Oltinsoy tumani Kengash Kotibiyati Axborot xizmati