Xalq deputatlari Angor tumani Kengashi deputati Baxromov Isoxon tomonidan deputatlik so‘rovi yuborildi.

Angor tumani Maktabgacha va maktab ta’limi bo‘limi mudiri Z. Utayevga ta’lim tashkilotlarida yoshlarni milliy qadriyatlar, vatanparvarlik ruhida tarbiyalash hamda “Milliy tarbiya modeli”ni amaliyotga joriy etish bo‘yicha olib borilayotgan ishlar yuzasidan tahliliy ma’lumot taqdim etish bo‘yicha deputatlik so‘rovi yo‘llandi.Mazkur deputatlik so‘rovida ta’lim muassasalarida yosh avlodning ma’naviy-axloqiy tarbiyasi, milliy qadriyatlarga hurmat ruhini mustahkamlash, shuningdek, “Milliy tarbiya modeli” asosida amalga oshirilayotgan targ‘ibot va amaliy ishlarning natijadorligi yuzasidan ma’lumotlar so‘ralgan. Eslatma: “Milliy tiklanish” demokratik partiyasi fraksiyasi hamda partiyaning ustuvor rejalari doirasida yuborilgan ushbu deputatlik so‘rovi ijrosi qonunchilikda belgilangan muddatlarda ko‘rib chiqilishi deputat tomonidan nazoratga olingan.