ХАЛҚ ДЕПУТАТЛАРИ ЯНГИҚЎРҒОН ТУМАНИ КЕНГАШИ депутати Боймирзаев Улуғбек Муҳаммадович томонидан сайлов округида жойлашган маҳаллаларда олиб борилаётган профилактика ишлари ҳамда профилактика инспектори фаолияти ўрганилди.
Ўрганиш давомида маҳаллада жиноятчилик ва ҳуқуқбузарликларнинг олдини олиш, аҳоли тинчлиги ва хавфсизлигини таъминлаш, фуқаролар мурожаатлари билан ишлаш ҳамда ижтимоий муҳит барқарорлигини сақлаш борасида амалга оширилаётган ишлар кўздан кечирилди.
Шунингдек, профилактика инспектори томонидан: 🔹 аҳоли билан мунтазам мулоқот олиб бориш; 🔹 нотинч ва назоратда турувчи оилалар билан ишлаш; 🔹 ёшлар ўртасида ҳуқуқбузарликларнинг олдини олиш; 🔹 хотин-қизлар ва нуронийлар билан профилактик суҳбатлар ташкил этиш; 🔹 маҳалладаги ижтимоий муаммоларни барвақт аниқлаш ва тегишли ташкилотлар билан ҳамкорликда ҳал этиш ишлари юзасидан амалий фаолият таҳлил қилинди.
Депутат томонидан маҳаллада тинчлик ва осойишталикни мустаҳкамлаш, аҳоли айниқса ёшлар ўртасида ҳуқуқий маданиятни ошириш, профилактика ишларини янада самарали ташкил этиш бўйича таклиф ва тавсиялар берилди.
Ўрганиш якунида маҳаллада жамоат хавфсизлигини таъминлаш, аҳоли мурожаатларига ўз вақтида ечим топиш ҳамда секторлар ва тегишли масъул ташкилотлар билан ҳамкорликни янада кучайтириш муҳимлиги таъкидланди.