Fuqarolar bilan uchrashuvlarda hududdagi muammolar o‘rganildi

🇺🇿 Xalq deputatlari Uchtepa tumani Kengashiga O'zbekiston milliy tiklanish demokratik partiyasidan saylangan "7-Beshqayrag‘och" okrugi deputati Xaydarova Ziyoda Tolipovna tomonidan “Xurshid” hamda “Beshqayrag‘och” mahallalarida “Xalq deputatlari Uchtepa tumani Kengashi deputatlari faoliyatining eng muhim 24 talik tavsiyalar bo‘yicha biriktirish ro‘yxati” asosida - hudud infratuzilmasi, ichki ko‘cha yo‘llari holati, ko‘chalarning tungi yoritilishi hamda yo‘l harakati xavfsizligini ta’minlash masalalari yuzasidan o‘rganish ishlari olib borildi.

📁 Xususan, xalq deputatlari Uchtepa tumani Kengashining III chaqiriq 27-sessiyasida tasdiqlangan “Uchtepa tumanidagi ichki yo‘llarni saqlash va joriy ta’mirlash ishlari bo‘yicha 2026-yil uchun manzilli ro‘yxatini tasdiqlash to‘g‘risida”gi qaror ijrosi yuzasidan amalga oshirilayotgan ishlar joyiga chiqqan holda o‘rganildi.

⚡️ O‘rganish davomida hududdagi ichki yo‘llarning holati, mavjud kamchiliklar, piyodalar va transport vositalari harakati uchun yaratilgan sharoitlar ko‘zdan kechirildi. Shuningdek, ko‘chalarda tungi yoritish tizimlarini yaxshilash, tirbandliklar va yo‘l-transport hodisalari yuzaga kelayotgan hududlarda xavfsizlik choralarini kuchaytirish masalalariga alohida e’tibor qaratildi.

🔼 Deputat tomonidan aniqlangan muammolar yuzasidan tegishli tavsiyalar berilib, mas’ul tashkilotlar bilan hamkorlikda ularni bartaraf etish bo‘yicha takliflar ilgari surildi.

💬 Shuningdek, ko‘cha boshilari va mahalla faollari bilan uchrashuvlar o‘tkazilib, hududlarda olib borilayotgan ishlar yuzasidan ularning fikr va mulohazalari o‘rganildi. Fuqarolar tomonidan bildirilgan taklif va murojaatlar asosida mavjud masalalarni bosqichma-bosqich hal etish bo‘yicha zarur choralar belgilandi.