Xalq deputatlari Toyloq tuman Kengashining 25-Yangi Toyloq saylov okrugidan saylangan deputati Matluba Aminovaning tashabbusi bilan hududda amalga oshirilayotgan obodonlashtirish va infratuzilmani yaxshilash ishlari davom etmoqda.

Jumladan, mahalladagi homiylar ko‘magida 21-son umumta’lim maktabi old qismidagi 1 kilometr ichki yo‘lda zamonaviy lotoklar o‘rnatish hamda piyodalar yo‘laklariga asfalt qoplamasi yotqizish ishlari olib borilishi belgilandi.

Mazkur tashabbus hudud aholisiga, ayniqsa o‘quvchilar va piyodalar uchun qulay hamda xavfsiz sharoit yaratishga xizmat qiladi. Amalga oshirilayotgan bunyodkorlik ishlari orqali yo‘l infratuzilmasini yaxshilash, yomg‘ir va oqova suvlarning oldini olish hamda hududning obod qiyofasini ta’minlash maqsad qilingan.

Bu kabi amaliy tashabbuslar aholi manfaatlarini ta’minlash va mahallalarni yanada obod etishga xizmat qilmoqda.
✅Bizni kuzatib boring:👇
|📲 Telegram | 💻Facebook