MAHALLA RAISLARINING MALAKASINI OSHIRISHGA QARATILGAN SEMINARDA UCHTEPA TUMANI VAKILLARI ISHTIROK ETMOQDA

🗂 O‘zbekiston Respublikasi Vazirlar Mahkamasining 2024-yil 18-maydagi 292-son hamda 2024-yil 13-iyundagi 334-son qarorlarida belgilangan vazifalar ijrosini ta’minlash, mahalla tizimi faoliyatini yanada takomillashtirish va ilg‘or tajribalarni ommalashtirish maqsadida Toshkent viloyati Bo‘stonliq tumanida seminar tashkil etildi.

📊 Mazkur seminarda Toshkent shahri mahalla raislari, soha mutaxassislari hamda jamoatchilik vakillari ishtirok etmoqda. Seminar davomida “Mahalla yettiligi” faoliyatini samarali tashkil etish, mahalla raisining eng muhim samaradorlik ko‘rsatkichlari (KPI) bo‘yicha baholash jarayonlaridagi ishtiroki hamda mahallalar faoliyatini tartibga solishga oid yangi yondashuvlar yuzasidan o‘zaro fikr almashilmoqda.

🇺🇿 Ushbu seminarda xalq deputatlari Uchtepa tumani Kengashi deputatlari va bir vaqtning o‘zida mahalla raisi sifatida faoliyat yuritayotgan Azizov Kamolitdin To‘laganovich hamda Djalalov Sanjar Gayratovichlar ham ishtirok etmoqda.

💬 Tadbir davomida mahalla va mahalliy Kengashlar o‘rtasidagi hamkorlikni yanada mustahkamlash, hududlardagi muammolarni tizimli hal etishda deputatlik korpusi hamda mahalla institutining o‘zaro uyg‘un faoliyatini ta’minlash masalalari yuzasidan fikr va takliflar bildirildi.