🏠 Jalǵız baslı nuranıy shańaraq jaǵdayı úyrenildi.

Xalıq deputatları Bozataw rayonlıq Keńesinen 10-sanlı «Kókshiel » saylaw okruginen (Adolat SDP) saylanǵan deputat G.Tileumuratova tárepinen óz saylaw okrugi aymaǵında jasawshı jalǵız baslı nuranıy puqaranıń turmıs jaǵdayın úyreniw maqsetinde úyine barıp xabar alındı.

Úyreniw dawamında nuranıydıń den-sawlıq jaǵdayı, sociallıq qollap-quwatlanıwı, pensiya napaqaları óz waqtında beriliwi, sonday-aq shańaraqtıń uy aldı qıytaq jerleriniń abadanlastırılıw boyınsha bir qatar kózden ótkerildi.
Nuranıy menen ashıq sáwbet alıp barılıp, onı qızıqtırǵan máseleler, kúndelikli turmısta ushırasıp atırǵan qıyınshılıqlar haqqında pikir almasıldı.
Sonday-aq, nuranıydıń uy aldı qıytaq jerinen nátiyjeli paydalanıp atırǵanlıǵı, onda túrli awıl xojalıǵı eginlerin egiw arqalı shańaraq dárejesinde qosımsha ónim jetistirip atırǵanlıǵı kórip shıǵıldı. Bul is nuranıydıń miynetke bolǵan talpınıwı hám jerden unumlı paydalanıp atırǵanlıǵın kórsetedi.

Sonıń menen bir qatarda, uy ishindegi jasaw sharayatları, kommunal xızmetlerden paydalanıw jaǵdayı hám mútajlikleri úyrenildi.
Nuranıylerge húrmet kórsetiw, olardıń turmıs jaǵdayın jaqsılaw hám sociallıq qollap-quwatlawdı kúsheytiw baǵdarındaǵı jumıslar bundan bılay da dawam ettiriledi.