Xalq deputatlari tuman Kengashi deputati G.Raimova tomonidan tuman hokimi axborot xizmati rahbarining faoliyati o‘rganildi.

O‘rganish davomida axborot xizmatining tuman hokimligi faoliyatini jamoatchilikka ochiq va shaffof tarzda yoritish, hududda amalga oshirilayotgan ijtimoiy-iqtisodiy islohotlar, obodonlashtirish, infratuzilma, bandlik, ijtimoiy himoya hamda boshqa yo‘nalishlardagi ishlar haqida aholiga tezkor va xolis axborot yetkazish borasidagi faoliyati ko‘rib chiqildi.

Shuningdek, tuman hokimligining rasmiy axborot resurslari va ijtimoiy tarmoqlarida ma’lumotlarni muntazam yoritib borish, tayyorlanayotgan xabarlarning mazmuni va sifati, foto va videomateriallardan samarali foydalanish, aholining murojaatlari hamda jamoatchilik fikrini o‘rganish masalalariga e’tibor qaratildi.

O‘rganish davomida axborot xizmatining davlat tashkilotlari, tuman Kengashi, mahallalar va jamoatchilik bilan hamkorligini yanada kuchaytirish, muhim jarayonlarni joyidan yoritish hamda aholiga tushunarli shaklda axborot yetkazish bo‘yicha fikr almashildi.

Deputat tomonidan axborot xizmatining faoliyatini yanada takomillashtirish, hududda amalga oshirilayotgan ishlar va erishilayotgan natijalarni keng jamoatchilikka o‘z vaqtida yetkazish, axborotlarning tezkorligi, aniqligi va ishonchliligini ta’minlash yuzasidan tegishli tavsiyalar bildirildi.